A investigación é a base sobre a que se sustentan multitude de procesos relacionados coa cultura e o patrimonio. Investigar supón xerar un coñecemento que será posto en circulación pola vía da divulgación.

Somos consultores en materia antropolóxica. Prestamos servizos de información, documentación e asesoría sobre temas relacionados coa cultura, co mundo social, co patrimonio e, en xeral, cos campos da antropoloxía social e cultural e da intervención social. Realizamos informes técnicos, proxectos de valorización, estudos de empresa, DAFOs e diagnoses.

A posta en valor da investigación antropolóxica e do patrimonio cultural, tanto nos seus eidos material como inmaterial, é unha parte fundamental da xestión cultural. Poñer en valor implica iniciar procesos de empoderamento e visibilización da cultura.

A formación é unha dinámica chave na actividade de Ab Origine, tanto a que vai dirixida a especialistas e profesionais da cultura e da xestión cultural, como ao público en xeral. Por iso creamos a Escola de Antropoloxía.

En Ab Origine realizamos diferentes traballos de produción cultural. Temos o noso propio selo editorial, Ab Origine Edicións, onde, ademais de edición e publicación, ofrecemos servizos de redacción, corrección, deseño e maquetación. Tamén realizamos traballos de produción audiovisual coa nosa produtora Ab Origine Producións, dende documentais de longa duración ata pezas audiovisuais , curtametraxes, vídeos e animación en 3D. Sempre co fío condutor da antropoloxía no seu sentido máis amplo, como ciencia de coñecemento e transformación social.

Temos longa experiencia na dirección, coordinación, planificación e realización de actividades culturais e de lecer e tempo libre. Ofrecemos servizos de xestión cultural e de programación cultural. Deseño, organización e execución de seminarios, xornadas, conferencias, presentacións e outros eventos divulgativos. Podemos realizar labores de comisariado de exposicións, así como de deseño e ambientación de eventos culturais e celebracións temáticas e na recreación de espazos escenográficos.