Investigación e documentación dos ritos e tradicións desenvolvidos arredor do manancial coñecido como A Fonte do Anghenido. Proxecto promovido e patrocinado polas Comunidades de Montes Veciñais da parroquia de Santa María de Bemil. Os resultados do traballo foron publicados no libro “Patrimonio inmaterial de Bemil” editado poas Comunidades de Montes Veciñais da parroquia de Santa María de Bemil (Comunidade de Montes Veciñal en Man Común de Bemil e Comunidade de Montes Veciñal en Man Común de Paradela) e na web Portal do Patrimonio de Bemil, e contou coa colaboración do Instituto de Ciencias do Patrimonio (Incipit) do Consello Superior de Investigacións Científicas (CSIC), e a empresa de arqueoloxía A Citania S.L.- Xestión de Patrimonio. Ano 2018.
O libro “Patrimonio inmaterial de Bemil” é un libro colectivo que inclúe o traballo de Rafa Quintía “A Fonte do Anghenido de Bemil. Ritos e tradicións ao redor dun manancial curativo“. (pp.70-123), xunto cos traballos de Daniel Seijas, Elena Cabreja e Jesús González. Ano 2018 ). A obra que recolle a investigación pódese consultar e descargar gratuitamente nesta ligazón.