Encontros da Ruta dos Viños Oceánicos

Deseño, coordinación e presentación do ciclo de 4 actividades divulgativas sobre os valores da “Ruta dos Viños Oceánicos” da IXP Ribeiras do Morrazo. O ciclo cultural consitiu nuns encontros en formato charla/mesa redonda na que dous especialistas no ámbito da viticultura e a cultura debatiron conxuntamente sobre un guión de diferentes aspectos do tema a tratar que propuxo o moderador. A actividade combinouse cunha actuación musical a cargo de Xavier Blanco e Martina Ferradás (Fundacion Legar), e cunha degustación de viños da IXP Ribeiras do Morrazo.

As temáticas tratadas no ciclo foron:

  • Viticultura, castes e viños da IXP
  • Viños e gastronomía
  • Historia, patrimonio, cultura e viño
  • O potencial económico e turístico dos viños e das rutas enoculturais

E nelas participaron:

-Buenaventura Aparicio Casado (Doutor en Historia, articulista e conferenciante. Foi profesor profesor-titor da Facultade de Xeografía e Historia da UNED)

-Ana Durán Penabad (Historiadora, licenciada en Dereito, reporteira gráfica e Secretaria da Sociedade Antropolóxica Galega)

-Xosé Cannas (Chef de “Pepe Vieira”, posuidor de 2 Estrelas Michelin)

-Manuel Gago (Xornalista, director de culturagalega.gal, profesor da Universidade de Santiago de Compostela e editor de Capítulo 0)

-Txema Ureta (Licenciado Ciencias Químicas, Máster en Enoloxía e Viticultura, enólogo de bodegas La Val e Membro do Comité de cata do Consello Regulador Rias Baixas)

-Mª del Carmen Martínez Rodríguez ( Doutora en Bioloxía, Investigadora Científica CSIC, Misión Biológica de Galicia. Fundadora do Grupo de Viticultura)

-Guillermo Campos Piñón (Xornalista especializado en divulgación-promoción enogastronómica e turística. Director e editor da revista Hostelería gallega-Gastronomía&Turismo (HGg&T))

-Cristina Valdés (Licenciada en Turismo e Antropóloga)

Moderador: Rafael Quintía (Licenciado en Antropoloxía Social e Cultural, Licenciado en Ciencias Económicas e Empresariais, xerente de Ab Origine. Antropoloxía e profesor-titor de Antropoloxía na UNED)

Ruta dos Viños Oceánicos